TAREFA

“ Penso,… logo actúo “  é unha revista dixital que nace coa intención de facer un traballo de divulgación na rede e cuxo fin principal é concienciar á poboación na importancia de tomar parte activa fronte ós problemas do mundo actual: pobreza, inxustizas sociais, guerras, cambio climático, ecoloxía,….

 Nesta ocasión, o obxectivo é estudar a influencia do uso e consumo de recursos enerxéticos na sostibilidade do sistema.

Os contidos que se van incluir no traballo podemos dividilos en dous grandes apartados:

–  A enerxia na historia:

• Uso e consumo de recursos enerxéticos ao longo da historia.

• Cambio producido durante a Revolución Industrial.

• Consecuencias a nivel medioambiental deste cambio.

• Medios de transporte coma exemplo dos cambios nos usos das fontes de enrxía ao longo da Historia.

–  E ti que me dis avó? : uso e consumo de recursos enerxéticos na época da súa mocidade e a diferencia coa actualidade. ¿ Podemos apender deles, do xeito de vida que os nosos maiores tiñan ?

 Formaredes un grupo de traballo no cada un ten un rol determinado:

1. Coordenador do equipo:

Principais responsabilidades: artellará a búsqueda, recollida e clasificación de información, así como a coordinación do traballo do resto de compoñentes.

2. Experto en ciencias.

Principais responsabilidades: encargado da parte científica, supervisando que as informacións de base científica estean ben sustentadas,argumentadas e ben comunicadas.

3. Especialista en historia.

Principais responsabilidades: ofrecerá unha visión histórica sobe o uso e consumo das fontes enerxéticas por parte do home ó longo da súa existencia.

4. Experto en enerxía.

Principais responsabilidades: xunto co historiador , e coa supervisión do experto en ciencias, buscará información sobre os diversos tipos de fontes de enerxía e o seu uso ó longo da historia.

5. Especialista en ecoloxía.

Principais responsabilidades: buscará información,coa colaboración do experto en ciencas, sobre  as consecuencias medioambientais do uso e consumo das diversas fontes de enerxía.

 A tarefa, os produtos finais que teredes que poñer no blogue serán:

• Textos :

  • A Historia da Enerxía: o uso dos recursos enerxéticos polo home a través dos tempos. O cambio producido na Revolución Industrial. Coma exemplo poñeremos como foron evolucionando os medios de transporte.

  • As consecuencias do uso actual dos recursos enerxéticos.

  • Entrevista aos av@s.

  • Conclusión: ¿ E eu que podo facer?¿E nós como podemos actuar?

  • Multimedia:

    • Presentación ou vídeo resume. Partes:

      • A enerxía e os medios de transporte na Historia

      • O cambio: a Revolución Industrial

      • Conclusión.

    • Infografía resume.