OLA !
A Historia en dous minutos …
Ola, alumn@s do IES de Pobra do Caramiñal.
Neste sitio teredes toda a información sobre o que imos facer este curso ( apuntes, esquemas, presentacións, ….). Espero que se convirta nun lugar de encontro entre todos, onde podades atopar ( ou pedir ) axuda, deixar os vosos comentarios, apuntar suxerencias, todo o que vós queirades.
DEIXA A TÚA PEGADA
Só espero que xuntos, e coma Ulises no seu camiño a Ítaca,
nos fagamos un pouco máis sabios.
Cando emprendas a túa viaxe a Itaca
pide que o camiño sexa longo,
cheo de aventuras, cheo de experiencias.
Non temas aos lestrigóns nin aos ciclopes
nin ao colérico Poseidón,
seres tales xamais atoparás no teu camiño,
se o teu pensar é elevado, se selecta
é a emoción que toca o teu espírito e o teu corpo.
Nin aos lestrigóns nin aos ciclopes
nin ao salvaxe Poseidón encontrarás,
se non os levas dentro da túa alma,
se non os ergue a túa alma ante ti.
Pide que o camiño sexa longo.
Que moitas sexan as mañáns de verán
en que chegues -¡con que pracer e ledicia!-
a portos nunca vistos antes.
Detente nos emporios de Fenicia
e faite con fermosas mercadorías,
nácar e coral, ámbar e ébano
e toda sorte de perfumes sensuais,
cantos máis abundantes perfumes sensuais podas.
Vai a moitas cidades exipcias
a aprender, a aprender dos seus sabios.
Ten sempre a Itaca na túa mente.
Chegar alí é o teu destino.
Mais non apresures nunca a viaxe.
Mellor que dure moitos anos
e atracar, vello xa, na illa,
enriquecido de canto gañaches no camiño
sen aguantar a que Itaca te enriqueza.
Itaca brindouche tan fermosa viaxe.
Sen ela non emprenderas o camiño.
Pero non ten xa nada que darche.
Aínda que a atopes pobre, Itaca non te enganou.
Así, sabio como te volveches, con tanta experiencia,
entenderás xa que significan as Itacas.
Constantino Kavafis (poeta grego)
